SRI ATANA NURSERY SIAM DAN LEH BUH PHUN DAN

             
1.    Nursery siam hi uluk angaia, SRI ah buh chi a ngai tlem tih hriat a tha. Hectare khat a zau atan Kg 5 emaw acre khata phun tur atan kg 2 kui ila a tawk.
2.    Buh chi kg 5 kui nan nursery sq.m 100 a zau a tawk leka, kg 1 kui nan sqm 20 siam ila a tawk.
3.    Nursery siamna tur chu hmun hulhar, tui tlin lohna hmunah nise. Leilet bial chhunga buhchi kuina kan siam dan anga tih chi a ni lo.
4.    Uluk taka lei rih dura, inches 6 a sanga rih pawn leh tur. A chim loh nan mau phel emaw, dap emaw thing phel emaw a khuah tur.
5.    A chung lang lei chu dip taka tihdura, bawngek leitha emaw vermicompost emaw leitha dang nen chawhpawlh tur. Chu chu rual taka level leh tur.
6.    Buh chi tha, chiah uingho sa nursery-ah hian pan leh rual taka theh tur. Buh chi hi darkar 24 chiah a, chiah uingho sa chu theh tur.
7.    Theh zawhah di emaw, buh pawl emaw a pan taka khuh tur. Tlaiah dim tak leh rual taka tui pek thin tur.
8.    Buh chi chu a lo tiah hunah a khuhna hlih tur.
9.    Lo a zau chuan Nursery chu hmun thum hmun liah pawh siam mai tur. Buh kui hun pawh a dang ang a, ni 8-12 a upa chauh dik takin kan phun thei ang.
10.    Buh phun dawn hian uluk taka lei letin kan kawi anga, rual takin kan level tur a ni a, tui kan sah kang vek tur a ni bawk.
11.    Buh tiak lawk emaw laksa te chu minute 15-30 ah phun fel vek tur a ni. A zung a thlep tur a ni lova, inch
chanve a tanga inch khata thuka phun tur a ni.
12.    Buh phun dawnin nidanga kan tih thin dan nilovin rangva phek emaw grandi in emaw lawk tur a ni a, chu chu tray, plate emaw kho emaw a thiar sawn mai tur.
13.    A tlar a ngila, a tlar leh tlar inkar a in an vek theih nante, a tlarah pawh inang tlang taka buh bi kan rem theih nan marker hman ngei a ngai. Marker chu mau phel emaw a pum emaw thing zai phela perek kilhte, hruizen leh hmawlha siamte, thil dang hmanga siam pawh a awm.
14.    Buh tiakte chu a mal te tein phun tur. A tlar a phun tur a ni a, a tlar kar hi inches 12 te, 15te , 20 te pawhin a tih theih. A tlara a bi inhlat zawng pawh inches 12 te, 15 te, inches 20 tho tur a ni a, chutia kan phun chuan a square in a lo awm ang. Buh bi leh a tlar hi a ngil hle tur a ni.
15.    Buh phun zin leh khat dan tur hi lei that leh that loh dan a zirte, leiin tui a pai theih leh theih loh dan a zirte leh buh pen duh dan a zirtea rel tur a ni.